മാലാഖ

" ചിറകുകൾ നഷ്ടപെട്ട മാലാഖ മക്കളെ നഷ്ടപ്പെട്ടു കരഞ്ഞുകൊണ്ടിരുന്നു ആ അമ്മയുടെ മടിയിലേക്കു വീണു "
കുട്ടിക്കാലത്തു മലയാളം പാഠപുസ്തകത്തിൽ പഠിച്ചതാണ് . " മാലാഖകൾ കരയുവാൻ പാടില്ല കരഞ്ഞാൽ ചിറകുകൾ നഷ്ടമാകും", ......... -
"മിസ്റ്റർ നിങ്ങൾ മാറിയിരിക്ക് ഇത് സ്ത്രീകളുടെ സ്ഥലമാണ് "  ഞെട്ടി കണ്ണുതുറന്നപ്പോൾ മുന്നിൽ ഒരു നേഴ്സ് ആ ഹാളിന്റെ മറുവശത്തേക്കു ചൂണ്ടി നിൽക്കുന്നു,
 " അവിടെയാണ് പുരുഷൻമാർ " ..... ഒരു സോറി പറഞ്ഞു അയാൾ പുരുഷൻ മാരുടെ  വെയ്റ്റിംഗ് ഏരിയയിലേക്ക് നടന്നു. അവർ വീണ്ടും എന്തൊക്കെയോ പറയുന്നുണ്ടായിരുന്നു അയാളുടെ ചിന്ത തന്റെ സ്വപ്നങ്ങളിലായിരുന്നു ... താൻ ഉറങ്ങുകയായിരുന്നു ...സ്വപ്നം പാതിവച്ചു മുറിഞ്ഞു .... കസേരയിലേക്ക് ചാരിയിരുന്നു ... എന്തോ ഒരു അസ്വസ്ഥത ... കണ്ണുകൾ അടച്ചു താൻ കണ്ടുകൊണ്ടിരുന്ന സ്വപ്നത്തിന്റെ തുടർച്ച കാണാൻ ..
      ആ അമ്മയുടെ മടിയിലേക്കു ചിറകറ്റുവീണ മാലാഖ ആ അമ്മയെ നോക്കുന്നുണ്ടോ എന്നറിയാൻ കുഞ്ഞികൈകൾ കൊണ്ട് തലോടുന്നുണ്ടോ എന്നറിയാൻ .... അതോ തന്നിലേക്ക് വീണ മാലാഖയെപ്പോലെ ഇമവെട്ടാതെ കൈകാലിട്ടടിക്കാതെ തന്റെ കൈയിൽനിന്നും ഭൂമിയുടെ മാറിലേക്ക് മറഞ്ഞുപോയിട്ടുണ്ടാകുമോ ........
സ്വപ്നത്തിലേക്ക് എത്താൻ  ശ്രമിക്കുന്നുണ്ടായിരുന്നെങ്കിലും അയാളുടെ കണ്ണീർതുള്ളികൾ അത് തടസപ്പെടുത്തികൊണ്ടേയിരുന്നു.